Bakı-Quba magistralında yol qəzası olub, xəsarət alanlar var

Bakı-Quba magistralının Sumqayıt şəhəri ərazisindən keçən hissəsində ağır yol-nəqliyyat hadisəsi baş verib. "Report"un yerli bürosunun məlumatına görə, iki avtomobilin toqquşması nəticəsində baş verən yol qəzası zamanı hər iki avtomobilin sürücüsü ağır bədən xəsarətləri alıb. Yaralılar - 1984-cü il təvəllüdlü Elşad Nazim oğlu Nağıyev və 1992-ci il təvəllüdlü Mahir Bəxtiyar oğlu Ağayev ağır xəsarətlərlə Sumqayıt şəhər Təcili  Tibbi Yardım Xəstəxanasına çatdırılıblar. Reanimasiya şöbəsinə yerləşdirilən yaralıların vəziyyətinin ağır olduğu bildirilir.  Faktla bağlı araşdırma aparılır.