Bakı-Quba yolunda dəhşətli qəza: “Hyundai” yük maşının altında qaldı, sürücüsü öldü - VİDEO

Bakı-Quba yolunun 29-cu kilometrliyində ölümlə nəticələnən yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, ağır qəza aprelin 18-də saat 12:26 radələrində qeydə alınıb: “Belə ki, Cəlilov Fəzail Elşad oğlunun idarə etdiyi 99-BT-665 dövlət nömrə nişanlı “Hyundai Elantra” markalı avtomobillə hərəkətdə olarkən yol kənarında dayanmış Məhərrəmov Namiq Tahir oğluna məxsus 99-RR-219 dövlət nömrə nişanlı “DAF” markalı yük maşınının qoşqusuna çırpılıb. Zərbənin təsirindən maşının ön hissəsi yük avtomobilinin altında qalıb. Sürücü aldığı xəsarətlərdən hadisə yerində dünyasını dəyişib”.

Qeyd edək ki, hadisə yerinə polis əməkdaşları və evakuator cəlb olunub. 

Faktla bağlı araşdırma davam edir. 

Nərmin