Bakı-Quba yolunda iki maşın toqquşdu: 2 yaralı var

Bu gün axşam saatlarında Bakı-Quba yolunda yol nəqliyyat hadisəsi baş verib. Avtosfer.az APA-ya istinadən xəbər verir ki, hadisə magistralın 67-ci km-də qeydə alınıb. 40 BN 394 dövlət nömrə nişanlı "VAZ 21010" markalı nəqliyyat vasitəsi ilə 17 BC 706 dövlət qeydiyyatlı "Kamaz" markalı yük maşını toqquşub. Qəza nəticəsində iki nəfər xəsarət alıb. Onlar Sumqayıtda yerləşən xəstəxanalardan birinə yerləşdirilib. Fakt araşdırılır.