Bakı-Quba yolunda iki maşın toqquşub - FOTO

Bu gün Bakı-Quba yolunda yol-nəqliyyat hadisəsi baş verib. Avtosfer.az xəbər verir ki, bu barədə apa-nın şimal bürosunun verdiyi məlumata görə, hadisə magistralın 83-cü kilometrliyində, Siyəzən rayonunun Zarat kəndi ərazisində qeydə alınıb. 10 VB 986  dövlət nömrə nişanlı, “Hyundai” markalı avtomaşınla 90 AB 848 dövlət nömrə nişanlı, “Mitsibushi” markalı avtomobil toqquşub. Toqquşma nəticəsində hər iki maşın yoldan çıxaraq aşıb. Qəza nəticəsində “Hyundai”da olan iki sərnişin və “Mitsibushi”də olan bir nəfər xəsarət alıb.

Faktla bağlı araşdırma aparılır.