Bakı-Quba yolunda yeniyetməni maşın vurub - FOTO

Bakı-Quba yolunda, Siyəzən rayonunun Giləzi kəndi ərazisində yol-nəqliyyat hadisəsi qeydə alınıb. Avtosfer.az xəbər verir ki, bu barədə “Report”un Şimal müxbiri xəbər verir ki, Abdullayev Habil Həmid oğluna məxsus 90-CX-147 markalı avtomobil 2000-ci il təvəllüdlü Abdullayev Elmin Hicran oğlunu  vurub.

Yeniyetmə Siyəzən Regional Diaqnostika Mərkəzinin Reanimasiya şöbəsinə yerləşdirilib. Hadisə yerinə polis əməkdaşları gəlib.

Həkimlərin bildirdiyinə görə, xəstəni sürücü özü xəstəxanaya çatdırıb.

Ona qapalı kəllə-beyin travması, beyin silkələnməsi, üzün və təpə nahiyəsinin sıyrılmış yaraları diaqnozu qoyulub. Yaralının vəziyyəti orta-ağırdır.

Faktla bağlı araşdırma aparılır.