Bakı-Sumqayıt qatarı 27 yaşlı qadını vurdu

Bakı-Sumqayıt qatarı dəmiryol xəttini keçən qadını vurub. Hadisə Xırdalan şəhəri ərazisində baş verib. Aprelin 1-i axşam saatlarında 27 yaşlı Gülnarə İsgəndərova dəmiryol xəttini keçmək istəyib. Bu vaxt Bakı-Sumqayıt marşrutu ilə hərəkət edən elektrik qatarı qadını vurub. Gülnarə İsgəndərova ağır xəsarətlər alıb və Bakıdakı 1 saylı Şəhər Klinik Xəstəxanasına çatdırılıb. Xəstəxanadan APA-ya verilən məlumata görə, 27 yaşlı qadının vəziyyəti ağırdır və reanimasiya şöbəsinə yerləşdirilib.

Faktla bağlı araşdırmalara başlanılıb.