Bakı-Sumqayıt yolunda daha bir qəza - Yol bağlandı - FOTOLAR

Bakı-Sumqayıt yolunda avtomobil qəzası baş verib. Avtosfer.az trend-ə istinadən xəbər verir ki, qəza bu gün saat 18:20 radələrində baş verib. Yolun 3-cü kilometrliyində Sumqayıtdan Bakı istiqamətində hərəkət edən "Mercedes ML" markalı 90 OA 998 dövlət nömrə nişanlı avtomobil idarəetməni itirərək yolun kənarında dayanan 90 FA 731 dövlət nömrə nişanlı "VAZ 2107" markalı avtomobillə toqquşub, daha sonra yolun kənarında dayanan piyadanı vuraraq yoldan çıxıb və maneəyə çırpılıb. Piyada ağır xəsarətlərlə Kliniki Tibbi Mərkəzə çatdırılıb. Yol qəzası nəticəsində Bakı-Sumqayıt yolunun Bakıya tərəf hərəkət istiqaməti bağlanıb. Əraziyə yol polisi əməkdaşları cəlb edilib.