Bakı yaxınlığında "Lexus" aşdı: ölən var

Bakı-Sumqayıt yolunda ağır yol-nəqliyyat hadisəsi baş verib. Avtofer.az lent.az-a istinadən xəbər verir ki, magistralın 15-ci kilometrliyində, Masazır qəsəbəsi yaxınlığında "Lexus" markalı minik avtomobili maneəyə çırpılaraq aşıb. Nəticədə avtomobildə olan şəxslərdən 1993-cü il təvəllüdlü Aslanxanov Vitali Aslan oğlu aldığı ağır bədən xəsarətlərindən vəfat edib. Daha 1 nəfər isə xəstəxanaya yerləşdirilib. Bildirilir ki, qəzaya səbəb yolun buzlaşması şəraitində düzgün manevr edilməməsi olub. 

Faktla bağlı araşdırma aparılır.