Bakıda 3 maşın toqquşdu, biri yandı

Bakı şəhəri, Suraxanı rayonunda sahibləri məlum olmayan “VAZ”, “BMW” və “OPEL” markalı minik avtomobillərinin toqquşması nəticəsində yol qəzası baş verib. Avtosfer.az-ın Fövqəladə Hallar Nazirliyinə istinadən məlumatına görə, nəticədə, “VAZ” markalı minik avtomobilinin yanar hissələri yanıb. Digər avtomobillər yanğından mühafizə olunub. Yanğın saat 21:04-də yanğınsöndürənlər tərəfindən söndürülüb.

***

Bakıda üç nəfərin xəsarət alması ilə nəticələnən yol qəzası baş verib. APA-nın məlumatına görə, hadisə Hövsan qəsəbəsində baş verib. İlkin məlumata görə, VAZ, BMW və “Opel” markalı minik avtomobilləri toqquşub. Toqquşma nəticəsində VAZ markalı avtomobil alışıb. Hadisə yerinə yanğınsöndürmə briqadaları cəlb edilib. 3 saylı Şəhər Klinik Xəstəxanasından APA-ya verilən məlumata görə, qəza nəticəsində üç yaralı gətirilib. Bunlar Hakim Əkbərov, Nurəngiz Niyazova və onun qızı Esmira Niyazovadır. Onların toqquşan avtomobillərdən hansında olduğu hələlik məlum deyil. Faktla bağlı Suraxanı Rayon Polis İdarəsində araşdırma aparılır.

Cavid