Bakıda 50 yaşlı qadını maşın vurub

Bakıda avtomobil qadını vuraraq ona ağır xəsarət yetirib. Avtosfer.az-ın "Report"a istinadən xəbərinə görə, yol-nəqliyyat hadisəsi Xəzər rayonunda qeydə alınıb. Mərdəkan qəsəbəsində yolu keçmək istəyən 1967-ci il təvəllüdlü Rəna Rəfi qızı Həsənovanı minik avtomobili vurub. Ağır xəsarət alan qadın xəstəxanaya yerləşdirilib. Həkimlər yaralının vəziyyətini son dərəcə ağır kimi qiymətləndirir. Faktla bağlı Xəzər Rayon Polis İdarəsinin əməkdaşları sürücünü saxlayıb. Araşdırma aparılır.