Bakıda 61 yaşlı kişini maşın vuraraq öldürüb

Ötən gün saat 16 radələrində pytaxtın Suraxanı rayonu ərazisində, Hövsan yolunda piyadanın vurulması ilə nəticələnmiş yol qəzası qeydə alınıb. Belə ki, yolu keçmək istəyən 1956-cı il təvəllüdlü Abbasquliyev Əşrəf Şükür oğlunu avtomobil vurub. Yaralı açıq kəllə-beyin travması xəsarətləri ilə 3 saylı şəhər xəstəxanasına yerləşdirib. Avtosfer.az xəbər verir ki, bu barədə xəstəxanadan salamnews-a verilən məlumata görə, həkimlərin səylərinə baxmayaraq 61 yaşlı kişinin həyatını xilas etmək mümkün olmayıb. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Suraxanı rayon Şöbəsinə təhvil verilib. Faktla bağlı Suraxanı rayon Polis idarəsində cinayət məcəlləsinin 263.2-ci maddəsi ilə cinayət işi başlanıb. Hadisəni törədən sürücü izahatı alınmaq üçün rayon polis idarəsinə aparılıb, avtomobil isə cərimə meydançasına yerləşdirilib.