Bakıda ağır qəza: Fikri yoldan yayınan sürücü maşını avtobusa çırpdı - VİDEO

Bakıda baş verən ağır yol-nəqliyyat hadisəsinin görüntüləri müşahidə kamerası tərəfindən qeydə alınıb. Avtosfer.az xəbər verir ki, qəza paytaxtın hava limanı yolunda baş verib.

Görüntülərdən görünür ki, yüksək sürətlə hərəkət edən "Mercedes" markalı avtomobil qarşısında geriyə dönmə manevri edən avtobusa çırpılıb. Toqquşmanın təsirindən ağır qəza baş verib.

Hadisənin dəqiq səbəbi məlum olmasa da, sürücünün ya yuxuladığı, ya da diqqətinin yoldan yayındığı ehtimal edilir. Çünki görüntülərdə avtomobilin sürətini azaltmadan birbaşa avtobusa doğru hərəkət etdiyi müşahidə olunur.

Mütəxəssislər sürücülərə yorğun və yuxusuz halda sükan arxasına əyləşməməyi, həmçinin hərəkət zamanı telefondan istifadə etməməyi tövsiyə edirlər. Unutmaq olmaz ki, bir anlıq diqqətsizlik və ya yuxulama ağır yol-nəqliyyat hadisələrinə səbəb ola bilər.

Fərid