Bakıda ağır qəza: Sürücü yatdı,"KamAZ" aşdı – FOTO+VİDEO

Bakıda "KamAz" sürücüsü qəza törədib. Hadisə Nizami rayonu, Qara Qarayev prospektində baş verib.  Avtosfer.az musavat.com-a istinadən xəbər verir ki, sürücü prospektin "Nefçilər dairəsi" adlanan ərazisində idarəetməni itirib və yol kənarında olan ağaclara çırpılıb. Qəza zamanı xəsarət alan olmayıb. Yol infrastrukturuna ciddi ziyan dəyib. Hadisə şahidlərinin bildirdiyinə görə qəzaya səbəb sürücünün sükan arxasında yatması olub. 

"KamAZ" yüksək sürətlə hərəkət etməsə də sürücü yatdığı üçün yoldan çıxıb və ağaclara çırpılaraq aşıb. "KamAZ"da olan çınqıl yola dağılıb.