Bakıda avtomobil 64 yaşlı piyadanı vurub

Nərimanov rayonunda piyadanın vurulması ilə nəticələnən  yol nəqliyyat hadisəsi baş verib. Avtosfer.az apa-ya istinadən məlumatına görə,  hadisə Ziya Bünyadov prospektində qeydə alınıb. Yolu keçmək istəyən 64 yaşlı Firuz Ləzgiyevi avtomobil vurub. Yaralı hadisə şahidlərinin çağırdığı təcili tibbi yardım avtomobili ilə xəstəxanaya çatdırılıb. O, dərhal əməliyyat olunub.

Hadisəni törədən sürücü ərazidən uzaqlaşıb. Hadisə yerinə polis əməkdaşları gəliblər. Sürücünün axtarışları davam edir.

Faktla əlaqədar cinayət işi başlanıb.