Bakıda avtomobil dayanacağa "girdi": ölənlər var

Bakı şəhərində ölümlə nəticələnən yol-nəqliyyat hadisəsi baş verib. Avtosfer.az xəbər verir ki, Qaradağ Rayon Polis İdarəsindən verilən məlumata görə, hadisə Bakı-Qazax yolunun 43-cü kilometrliyində, Səngəçal qəsəbəsi ərazisində qeydə alınıb. Bakı şəhər sakini, 1988-ci il təvəllüdlü Vüsal Aydın oğlu Ələkbərov idarə etdiyi "Mitsubishi" markalı avtomobili yolun kənarındakı avtobus dayanacağına çırpıb. Nəticədə avtomobildə olan 1961-ci il təvəllüdlü Əsgər Cəlal oğlu Əliyev hadisə yerində ölüb. Sürücü və digər sərnişini, Balakən rayon sakini, 1997-ci il təvəllüdlü İsmayıl Şəhmil oğlu Çerçiyev xəstəxanaya yerləşdiriliblər. İ. Çerçiyev aldığı xəsarətlərdən xəstəxanada dünyasını dəyişib. V. Ələkbərovun vəziyyəti isə ağır olaraq qalır.

Faktla bağlı cinayət işi başlanıb, istintaq gedir.

Emin