Bakıda avtomobillə vurulan iki piyada ölüb

Bakıda iki piyadanı maşın vuraraq öldürüb. Avtosfer.az-ın APA-ya istinadən məlumatına görə, Bakının Sabunçu rayonu ərazisində Ramal Quliyev idarə etdiyi “Daewoo” markalı maşınla yolu keçən 1952-ci il təvəllüdlü Etibar Ağalarovu vurub. Paytaxtın Binəqədi rayonunda isə “KamAZ” markalı qaldırıcı kran 1958-ci il təvəllüdlü Nazxanım Hacıyevanı vuraraq öldürüb. Hər iki faktla bağlı cinayət işi başlanıb, istintaq gedir.