Bakıda "BMW", Ceyranbatanda traktor yandı

Bakıda yanğın hadisəsi qeydə alınıb. Avtosfer.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakının  Qaradağ rayonunda vətəndaşa məxsus BMW markalı minik avtomobilinin yanar hissələri yanıb. Yaxınlıqdakı avtomobillər yanğından mühafizə olunub. Yanğın saat 20:49-da yanğınsöndürənlər tərəfindən söndürülüb.

Abşeron rayonu, Ceyranbatan qəsəbəsində isə hazırda fəaliyyət göstərməyən beton zavodun ərazisində dayanmış, vətəndaşa məxsus “Belarus” markalı traktorun yanar hissələri, hər biri 150 m olan 5 ədəd çarxa dolanmış kabel və 60 kv.m sahədə quru ot yanıb. Yaxınlıqdakı tikililər yanğından mühafizə olunub. Yanğın saat 16:17-də yanğınsöndürənlər tərəfindən söndürülüb.

Fərid