Bakıda "BMW X5" yandı - VİDEO

Hadisə Ziya Bünyadov prospekti ilə Azadlıq prospektinin kəsişməsindəki körpünün üzərində baş verib. 90 OZ 794 dövlət nömrə nişanlı “BMW X5” markalı avtomobil qəfldən alışaraq yanıb.

Avtosfer.az xəbər verir ki, yanğın avtomobilin mühərrik hissəsində başlayıb. Hadisə yerinə gələn yol polisləri və yanğınsöndürənlər təhlükəsizlik tədbiri görüb, yanğın söndürülüb. 

Şahidlərin sözlərinə görə hadisə nəticəsində xəsarət alan olmayıb. Ancaq avtomobil yanaraq sıradan çıxıb. Hadisəyə görə prospektin bir istiqamətində hərəkət müvəqqəti olaraq məhdudlaşdırılıb.