Bakıda gənc oğlanı avtomobil vurub

Bakıda gənc oğlanın xəsarət alması ilə nəticələnən yol-nəqliyyat hadisəsi olub. Avtosfer.az "Report"a istinadən xəbər verir ki, hadisə Xəzər rayonunda qeydə alınıb. Bilgəh qəsəbəsində 26 yaşlı Rəcəbov Cavad Zülfəli oğlu yolu keçmək istəyərkən onu minik avtomobili vurub. Yaralı xəstəxanaya yerləşdirilib. Faktla bağlı Xəzər Rayon Polis İdarəsində araşdırma aparılır.