Bakıda icarəyə götürdüyü maşınla kobud qayda pozan sürücü qəza törətdi - ANBAAN VİDEO

Paytaxtın Nərimanov rayonu, Fətəli Xan Xoyski küçəsində baş vermiş yol qəzası anbaan avtomobilin videoregistratoruna düşüb.

Avtosfer.az-ın məlumatına görə, hadisə noyabrın 28-də saat 14:29 radələrində qeydə alınıb. Hərəkət istiqamətini dəyişmək istəyən “Changan” markalı avtomobilin sürücüsü anidən sola manevr edib və həmin zolaqda hərəkətdə olan “Nissan” markalı avtomobilə çırpılıb. Kadrdan göründüyü kimi, qayda pozan sürücü qoşa xəttin tələblərini pozaraq əks yola çıxmaq istəyirmiş.

Hadisə nəticəsində hər iki nəqliyyat vasitəsinə maddi ziyan dəyib, “Nissan” sürücüsü isə başından xəsarət alıb.

Qeyd edək ki, zərərçəkmiş sürücü videonu paylaşaraq əvvəlcə “Changan” sürücüsünün özünü haqlı saydığını, lakin kadrlara baxdıqdan sonra qəzaya səbəbkar olduğunu qəbul etdiyini bildirib. O, həmçinin sürücünün Pakistan vətəndaşı olduğunu və avtomobili kirayəyə götürdüyünü əlavə edib.

Nərmin