Bakıda iki “Kamaz” toqquşdu

Bu gün gecə saatlarında Qaradağ rayonunda yol qəzası baş verib. Fövqəladə Hallar Nazirliyindən Avtosfer.az verilən məlumata görə, 2 ədəd “Kamaz” markalı yük avtomobilləri toqquşub. Maşınlardan birinin sürücüsü sıxılmış vəziyyətdə qalıb və çıxa bilməyib. Xilasedicilər sürücünü çıxararaq aidiyyəti üzrə təhvil veriblər. Bu gecənin digər qəzası isə Suraxanı rayonunda baş verib. “Mercedes” və “Daewoo” markalı minik avtomobilləri toqquşub. FHN-nin xilasediciləri qəza nəticəsində deformasiyaya uğramış minik avtomobillərində sıxılmış vəziyyətdə qalan sürücüləri çıxararaq aidiyyəti üzrə təhvil veriblər.