Bakıda kreditlə alınan avtomobil kül oldu - VİDEO

Gecə saatlarında Sabunçu rayonunda hərəkətdə olan Vaz 21 015 markalı avtomobilin mühərrik sistemində qəfil alışma baş verib. Sürətlə gedən avtomobilin alovlanmasını ətrafdakılar görüb. Avtomobilin sürücüsü Fərasət Şıxıyev isə ətrafdakı sürücülərin əl işarəsi ilə avtomobili saxlayıb. O, avtomobildən çıxan kimi maşın tamamilə yanmağa başlayıb. Alovun qarşısını isə FHN-in yanğınsöndürmə xidmətinin əmədaşları ala bilib. Alovun qarşısı alınsa da artıq gec idi. Çünki sürücünün avtomobilə aid sənədləri və digər vacib əşyaları da yanaraq külə dönmüşdü. Avtomobili kreditlə alan sürücü avtomobilində indiyə kimi texniki qüsur olmadığını deyir. Alovun dəqiq nə səbəbdən baş verdiyini isə əraziyə cəlb edilmiş FHN yanğına nəzarət xidməti və yol patrul xidmətinin əməkdaşları araşdırır. Bunun üçün külə dönmüş avtomobil evakutr vasitəsilə cərimə meydançasına aparılıb.