Bakıda “Land Rover”lə “07” toqquşdu - Fotolar

Bakıda yol-nəqliyyat hadisəsi baş verib. Hadisə Heydər Əliyev prospektindən Beynəlxalq Hava Limanı istiqamətinə (aeroport yolu) gedən yolda baş verib. Qəza zamanı “Land Rover” markalı minik avtomobili ilə “VAZ 21 07” toqquşub. Hadisə zamanı “07” dəmir arakəsmələrə çırpılıb. Hər iki maşına ziyan dəysə də, xəsarət alan olmayıb. Qəzadan sonra sözügedən yolda böyük tıxac yaranıb. Polis qəzanın səbəblərini araşdırır.

“Qafqazinfo”