Bakıda maşın piyadanı vuraraq ağır xəsarət yetirib

Bakıda minik avtomobili piyadanı vuraraq ona ağır xəsarət yetirib. Avtosfer.az-ın "Report"a istinadən xəbərinə görə, yol-nəqliyyat hadisəsi Nizami rayonunda baş verib. Metronun Koroğlu stansiyasının yaxınlığında yolun piyadalar üçün nəzərdə tutulmayan hissəsindən keçən 1976-ci il təvəllüdlü Əliyev Telman Aslan oğlunu "90-PC-386" dövlət qeydiyyat nişanlı "Mercedes" markalı avtomobilin sürücüsü vurub. Nəticədə piyada ağır xəsarət alıb. O, xəstəxanaya yerləşdirilib. Həkimlər yaralının vəziyyətini ağır kimi qiymətləndirirlər. Baş vermiş yol-nəqliyyat hadisəsi ilə bağlı Nizami Rayon Polis İdarəsinin əməkdaşları sürücünü saxlayıb. Onun avtomobili cərimə meydançasına yerləşdirilib.