Bakıda "Mercedes" "KIA" ilə toqquşdu - FOTO

Paytaxtın Nərimanov rayonunda 2 minik avtomobilinin iştirakı ilə yol qəzası baş verib. Avtosfer.az admiral.az-a istinadən xəbər verir ki, hadisə bu gün 09:30 radələrində Koroğlu Rəhimov küçəsində qeydə alınıb. Yüksək sürətlə hərəkətdə olan 90 HE 111 dövlət nömrə nişanlı "Mercedes Benz" markalı minik avtomobili eyni istiqamətdə gedən 90 SR 947 dövlət nömrə nişanlı "KIA Sportage" markalı maşına çırpılıb. Hadisənin ara məsafəsinin düzgün seçilməməsi səbəbindən baş verdiyi və "Mercedes"in yüksək sürətlə gəlməsi ehtimal olunur. Qəza nəticəsində xəsarət alan olmasa da, avtomobillərə ciddi ziyan dəyib.

Faktla bağlı araşdırma aparılır.