Bakıda "Mercedes" körpüdən aşıb: ölən və yaralananlar var

Paytaxtın Qaradağ rayonu ərazisində, Bakı-Ələt magistral yolunda bir neçə nəfərin ölümü və xəsarət alması ilə nəticələnən ağır yol-nəqliyyat qəzası baş verib. Hadisə Bakı Dəniz Limanının yaxınlığındakı körpüdə qeydə alınıb. Belə ki, "Mercedes" körpüdən aşması nəticəsində 2 nəfər ölüb, 3 nəfər xəsarət alıb. Qəza zamanı ölənlərin və xəsarət alanların kimliyi araşdırılır. Hadisə yerinə hüquq-mühafizə orqanlarının əməkdaşları cəlb edilib. Faktla bağlı araşdırma aparılır. 

"Report"