Bakıda “Niva” sürücüsü zəncirvari qəza törətdi; hadisə kameraya düşdü - VİDEO

Paytaxtın Müzəffər Nərimanov küçəsində baş vermiş zəncirvari yol-nəqliyyat hadisəsi avtomobilin videoregistratoruna düşüb.

Avtosfer.az-ın məlumatına görə, qəza bir müddət əvvəl, səhər saatlarında qeydə alınıb. Kadrlardan göründüyü kimi, görüntünü qeydə alan avtomobil qırıq xətdən geriyə dönmək üçün dayanır. Bu zaman arxadan gələn 90-OD-482 dövlət nömrə nişanlı “Niva” markalı avtomobilin sürücüsü ona əhəmiyyət vermədən hərəkətini davam etdirir və nəticədə toqquşma baş verir.

Zərbənin təsirindən vurulan avtomobil qarşı istiqamətdə hərəkətdə olan 27-EB-034 dövlət nömrə nişanlı “Hyundai” markalı nəqliyyat vasitəsinə, o isə öz növbəsində öndəki yük maşınına çırpılır.

Hadisə zamanı xəsarət alan olmasa da, hər dörd avtomobilə maddi ziyan dəyib.

Nərmin