Bakıda orta yaşlı qadının xəsarət alması ilə nəticələnən yol qəzası baş verib

Bakıda baş vermiş yol-nəqliyyat hadisəsi zamanı orta yaşlı qadın xəsarət alıb. Avtosfer.az-ın "Report"a istinadən xəbərinə görə, hadisə Sabunçu rayonunda baş verib. Bakıxanov qəsəbəsində, yolu keçən 1979-cu il təvəllüdlü Ağayeva Leyla Mixayılovnanı minik avtomobili vurub. Hadisəni törədən sürücü yaralını xəstəxanaya yerləşdirib və ona ilkin tibbi yardım göstərilib. Sabunçu Rayon Polis İdarəsinin əməkdaşları tərəfindən sürücünün izahatı alınıb.