Bakıda piyadaları vurub qaçan sürücülərdən biri tutuldu

Bakıda yol-nəqliyyat hadisəsi törətmiş sürücü saxlanılıb. Avtosfer.az Daxili İşlər Nazirliyinin saytına istinadən xəbər verir ki, Suraxanı RPİ əməkdaşlarının həyata keçirdikləri əməliyyat-axtarış tədbirləri nəticəsində iyulun 12-də Bakı şəhər sakini Zaur Vəliyevin xəsarət alması ilə nəticələnən yol-nəqliyyat hadisəsini törətmiş “Mercedes” markalı avtomobilin sürücüsü - Bakı şəhər sakini Əbülfəz Nəzərəliyev saxlanılıb.

Bundan başqa iyulun 13-də saat 01 radələrində Yasamal rayonunun Şərifzadə küçəsində müəyyən edilməmiş avtomobillə  yolu keçən Bakı şəhər sakini İnam Quliyev vurulub. İ.Quliyevə xəstəxanada ilkin tibbi yardım göstərildikdən sonra buraxılıb. Yasamal RPİ tərəfindən əməliyyat-axtarış tədbirləri aparılır.

Fərid