Bakıda "Porsche" markalı avtomobil ağır qəza törədib - FOTO

Bakının Xətai rayonunda yol-nəqliyyatı hadisəsi baş verib.

Avtosfer.az apa-ya istinadən xəbər verir ki, qəza Fəzail Bayramov küçəsində qeydə alınıb.

İdarəetməni itirən "Porsche" markalı minik avtomobilinin sürücüsü nəqliyyat vasitəsini Toyota Bakı Mərkəzinin qarşısında hərəkətsiz duran “Volkswagen” markalı maşına çırpıb.

Nəticədə yol infrastrukturuna ziyan dəyib, bir neçə dekorativ ağac qopub.

Hər iki avtomobilə ziyan dəyib. Əraziyə polis əməkdaşları cəlb edilib. Faktla bağlı araşdırma aparılır.