Bakıda qadını avtomobillə vuraraq qaçan sürücü saxlanılıb

Avqustun 4-də saat 1.00 radələrində Xəzər rayonunun Binə qəsəbəsinin ərazisində müəyyən edilməyən avtomobillə yolu keçən 40-45 yaşlı qadın vurulub. Avtosfer.az xəbər verir ki, məlumatı Daxili İşlər Nazirliyinin saytı yayıb.

Qadın xəstəxanaya yerləşdirilib. Xəzər Rayon Polis İdarəsinin 2-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində xəsarət alan şəxsin Salyan rayon sakini Təranə Hüseynova olması müəyyən edilib. Hadisənin “Opel” markalı avtomobilin sürücüsü – Bakı şəhər sakini İlham Ağayev tərəfindən törədilməsi müəyyən edilib və o, saxlanılıb.