Bakıda qəza: 2 polis əməkdaşı yaralandı

Bakının Binəqədi rayonunda yol-nəqliyyat hadisəsi baş verib. Avtosfer.az teleqraf.com-a istinadən xəbər verir ki, hadisə rayonun M.Ə.Rəsulzadə qəsəbəsinsə, Binəqədi-Baksol yolunun kəsişməsində qeydə alınıb.

Bakı şəhər sakini, 1974-cü il təvəllüdlü Samir Hümbətovun idarə etdiyi “Daevoo Nexia” markalı avtomobillə orada dayanan Dövlət Yol Polisi İdarəsinin polis serjantı – 1981-ci il təvəllüdlü Miralı Hacıalıyevin idarəsində olan “Hyundai İX-35” markalı maşını vurub.

Nəticədə Miralı Hacıalıyev və sərnişini, 1992-ci il təvəllüdlü Elvin Şirinov xəsarət alıb. Hər iki yaralıya Kliniki Tibbi Mərkəzdə tibbi yardım göstərilib. Elvin Şirinovun da polis serjantı olduğu bildirilir.

 Faktla bağlı araşdırma aparılır.