Bakıda qəzadan yayınmaq istəyən sürücü “BMW”ni gölə saldı - VİDEO

Paytaxtın Səbail rayonu, Bayıl qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza avqustun 20-də Gülbala Əliyev küçəsində qeydə alınıb. Hərəkətdə olan 99-GF-741 dövlət nömrə nişanlı “BMW” markalı avtomobil yoldan çıxaraq gölə düşüb. İddialara əsasən, qəzaya səbəb sürücünün döngəyə sərt daxil olması olub. Belə ki, qarşısına maşının çıxdığını görən sürücü qəzadan yayınmaq üçün manevr edib və bu vaxt idarəetməni itirərək avtomobili gölə salıb. Hadisə zamanı xəsarət alan olmasa da maşına ciddi maddi ziyan dəyib. Sürücü yaxınlıqdakı vətəndaşların köməyi ilə avtomobildən çıxarılıb.

Faktla bağlı araşdırma davam edir. 

Nərmin