Bakıda sərnişin avtobusu qəza törətdi – Ölən var - YENİLƏNİB

Bakıda sərnişin avtobusu piyadanı vuraraq öldürüb. Avtosfer.az-n xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb. Belə ki, Sabunçu rayonunun Bakıxanov qəsəbəsində Bakı şəhər sakini Niyazi Quliyev idarə etdiyi “Daewoo” markalı 60 saylı xətt avtobusla yolu keçən Abşeron rayon sakini İlkin Məmmədovu vurub. İ.Məmmədov hadisə yerində ölüb.

Faktla bağlı Sabunçu Rayon Polis İdarəsində (RPİ) araşdırma aparılır.

***

Bakıda ölümlə nəticələnən yol qəzası baş verib. Sabunçu rayon Polis İdarəsindən verilən məlumata görə, fevralın 21-də Bakıxanov qəsəbəsi ərazisində “Transgeyt” MMC-yə məxsus 10 TE 288 nömrə nişanlı sərnişin avtobusu piyadanı vurub. Nəticədə ağır xəsarət alan 33 yaşlı kişi vəfat edib. Faktla bağlı Sabunçu RPİ-də cinayət işi açılıb, araşdırma aparılır.