Bakıda sürücü qəsdən digər avtomobili vurub yoldan çıxardı - VİDEO - YENİLƏNİB

"Bakının Nərimanov rayonu, Atatürk prospektində baş verən hadisədə ilə bağlı nəqliyyat vasitələrinin sürücüləri aşkarlanaraq barələrində qanunamüvafiq tədbir görülüb".

Bunu açıqlamasında Bakı Şəhər Dövlət Yol Polisi İdarəsinin bölmə rəisi Toğrul Nəsirli deyib.

O, qeyd edib ki, yayılan videogörüntü ilə əlaqədar olaraq Bakı şəhər Dövlət Yol Polisi İdarəsində araşdırma aparılıb:

"Aralarında yaranmış digər xüsuslarla bağlı onlar barəsində toplanan materiallar prosessual araşdırma aparılması məqsədi ilə Nərimanov Rayon Polis İdarəsinə göndərilib".

***

"Bakının Nərimanov rayonu, Atatürk prospektində baş verən hadisə ilə bağlı araşdırma aparılır".

Bunu açıqlamasında Bakı Şəhər Dövlət Yol Polisi İdarəsinin bölmə rəisi Toğrul Nəsirli deyib.

(oxu.az)

***

Bakıda hərəkətdə olan avtomobilin sürücüsü qəsdən digər avtomobili vurub.

Avtosfer.az xəbər verir ki, bununla bağlı videogörüntü sosial şəbəkədə paylaşılıb.

Belə ki, Bakının Nərimanov rayonu, Atatürk prospektində, hərəkətin intensiv olduğu bir vaxtda 77-HX-718 dövlət nömrə nişanlı "Prius" markalı avtomobilin sürücüsü 10-EA-350 dövlət nömrə nişanlı VAZ-2107 markalı maşını vuraraq yoldan çıxarmağa cəhd edib.

Hadisənin hansı səbəbdən baş verməsi məlum deyil.