Bakıda yol qəzası baş verdi: qadın ağır yaralanıb

Bakıda baş verən yol qəzası zamanı 52 yaşlı qadın ağır bədən xəsarətləri alıb. Avtosfer.az musavat.com-a istinadən xəbər verir ki, “Lökbatan dairəsi” kimi adlanan ərazidə iki minik avtomobili toqquşub. “Kia” markalı avtomobil “Yol ver!” nişanın tələbini pozaraq, “VAZ-2107” markalı avtomaşının qarşısına çıxıb. Toqquşma nəticəsində “VAZ-2107” markalı avtomobildə olan sərnişin, 1964-cü il təvvəllüdlü Bəsti Şahbazova ağır yaralanıb. O, xəstəxanaya çatdırılıb.

“VAZ-2107” markalı avtomobil isə deformasiyaya uğrayıb.

Əraziyə Yol Patrul Xidmətinin əməkdaşları cəlb edilib. 

Faktla bağlı araşdırma aparılır.