Bakıda yol qəzası baş verib - FOTO

Bakının Nəsimi rayonunda, 4-cü mikrorayonun "4-ün dairəsi" adlanan ərazisində 1 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, qəza Zərifə Əliyeva adına Göz Klinikası istiqamətindən Memar Əcəmi metrostansiyasına doğru hərəkətdə olan "99-BS-479" dövlət qeydiyyat nişanlı "Opel" marakalı maşınla yolun əks istiqaməti ilə gələn "90-EM-250" nömrəli "Mercedes-E240" markalı avtomobilin toqquşması nəticəsində qeydə alınıb.

Hadisə nəticəsində "Opel"in sürücüsü Nizami Əliyev baş nahiyəsindən yüngül xəsarət alıb. Baş Dövlət Yol Polisi İdarəsinin əməkdaşları hadisə yerinə gələnədək dairədə sıxlıq yaranıb.

Qeyd edək ki, bu, son 1 ay ərzində həmin yolda baş verən sayca 8-ci yol-nəqliyyat hadisəsidir.

Faktla bağlı araşdırma aparılır.