Bakıda yolu düzgün yerdən keçməyən kişini maşın vurub

Bakının Binəqədi rayonunda yol qəzası zamanı 1 nəfər xəsarət alıb. "Report"un xəbərinə görə, 1969-cu il təvəllüdlü Kərimov Elmdar Cavanşir oğlu Azadlıq prospektində piyadalar üçün müəyyən edilməmiş yerdən keçən zaman onu minik avtomobili vurub. Yaralı 1 saylı Kliniki Tibbi Mərkəzə yerləşdirilib. Faktla bağlı Binəqədi Rayon Polis İdarəsində araşdırma aparılır.