Bakının ən böyük prospektlərindən birində zəncirvari qəza

Bakıda zəncirvari qəza baş verib. Avtosfer.az Trend-ə istinadən xəbər verir ki, hadisə bu gün səhər saat 08:35 radələrində paytaxtın Nobel prospektində, “Ağ şəhər” inzibati binasının qarşısında baş verib. Prospektlə hərəkət edən avtomobillərdən biri idarəetməni itirib və digər avtomobilə çırpılıb. Hadisə nəticəsində digər avtomobillər də həmin avtomobillərə dəyib və nəticədə 4 avtomobil toqquşub. Hadisə nəticəsində yolda tıxac yaranıb. Hazırda yol polisləri əraziyə cəlb olunub, yolda hərəkətin tənzimlənməsi üçün tədbirlər görür.