Bakının mərkəzində avtobus yol kənarında duran piyadanı vurub

Bakının mərkəzində sərnişin avtobusu gənc oğlanı vurub. Avtosfer.az-ın "Report"a istinadən xəbərinə görə, yol-nəqliyyat hadisəsi Nəsimi rayonu ərazisində qeydə alınıb. Rəşid Behbudov küçəsində yol kənarında dayanan 1992-ci il təvəllüdlü Mənsimov Aqşin Mehman oğlunu 88 saylı marşrut xətti üzrə hərəkət edən sərnişin avtobusu vurub. Yaralı "təcili yardım" maşını vasitəsilə xəstəxanaya yerləşdirilib. Faktla bağlı Nəsimi Rayon Polis İdarəsinin əməkdaşları avtobusun sürücüsünü saxlayıb.