Bakının mərkəzinə gələn yolda dəhşətli qəza: ölən və yaralananlar var

Bakıda ölümlə nəticələnən yol-nəqliyyat hadisəsi baş verib. Avtosfer.az lent.az-a istinadən xəbər verir ki, dünən axşam saatlarında Bibiheybət yolu 6 ünvanının qarşısında (Su İdmanı sarayının qarşısı) 1990-cı il təvəllüdlü Məhərrəmov Emil Bilal oğlunun idarə etdiyi “Mazda” markalı 90 DX 767 nömrə nişanlı avtomobilə 1987-ci ildə anadan olmuş Ocaqnavin Fərhad Cahangir oğlunun idarə etdiyi “Ford” markalı 99 CK 697 dövlət qeydiyyat nişanlı avtomobil toqquşub. Nəticədə “Mazda”da olan sərnişinlərdən Bakı şəhər sakini Makravuz Mikayıl Həsənbala oğlu hadisə yerində ölüb. Avtomobillərdə olan daha 4 nəfər isə müxtəlif bədən xəsarətləri alıblar.

Faktla bağlı cinayət işi açılıb, araşdırma aparılır.