Bakıxanovda “KIA” ilə toqquşan “Lexus” aşdı - VİDEO

Paytaxtın Sabunçu rayonu, Bakıxanov qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza aprelin 27-də səhər saatlarında Nazim İsmayılov küçəsində qeydə alınıb. Belə ki, hərəkətdə olan 99-NE-092 dövlət nömrə nişanlı “Lexus” markalı avtomobil, 77-LC-845 dövlət nömrə nişanlı “KIA” markalı maşınla toqquşub. Şahidlərin iddiasına əsasən, qəzaya səbəb yüksək sürət həddi olub. Zərbənin təsirindən “Lexus” aşıb. Hadisə zamanı xəsarət alan olmasa da hər iki nəqliyyat vasitəsinə maddi ziyan dəyib. 

Qeyd edək ki, qəza yerinə polis əməkdaşları cəlb olunub.

Faktla bağlı araşdırma aparılır. 

Nərmin