"Bakubus"un avtobusu qəza edib

"Bakubus"a məxsus daha bir avtobus qəzaya düşüb. Avtosfer.az "ölkə.az"a istinadən xəbər verir ki, 125 saylı xətt marşrutu üzrə hərəkət edən avtobus "Azneft" dairəsi yaxınlığında taksiylə toqquşub. Hazırda sığorta və yol polisi əməkdaşları hadisə yerindədirlər. "Bakubus"un mətbuat katibi Mənsur Piriyevin verdiyi məlumata görə, avtobusa ciddi ziyan dəyməsə də, aidiyyatı qurum əməkdaşları hadisə yerinə çağırılıb, sərnişinlər isə digər avtobusla mənzilbaşına çatdırılıb.