Baş verən avtoqəzada 3 nəfər xəsarət alıb - İmişlidə

İmişlidə avtomobil yoldan çıxaraq aşıb, 3 nəfər xəsarət alıb. Avtosfer.az xəbər verir ki, bu barədə apa-nın Mil-Muğan bürosunun məlumatına görə, hadisə gecə saatlarında rayonun Cavadxanlı kəndi ərazisində qeydə alınıb. İmişli sakini, 1995-ci il təvəllüdlü Ağayev Rauf Davud oğlu sərt döngədə  idarəetməni itirərək avtomobili aşırıb. Nəticədə sürücü və avtomobildə olan rayon sakinləri, 1998-ci il təvəllüdlü Şahbazov Misir Cavid oğlu və 1999-cu il təvəllüdlü Məmmədov Zamiq Nazim oğlu müxtəlif dərəcəli bədən xəsarətləri ilə İmişli rayon xəstəxanasının travmatologiya şöbəsinə yerləşdirilib.

Faktla bağlı İmişli rayon polis şöbəsində araşdırma aparılır.