Başına maşın düşən usta öldü - Bakıda

İki gün əvvəl Bakının Suraxanı rayonu, “Günəşli” qəsəbəsində bədbəxt hadisə zamanı ağır xəsarət alan şəxs ölüb. Avtosfer.az-ın Lent.az-a istinadən məlumatına görə, qəsəbədəki avtotəmir sexində texniki nasazlıq səbəbindən kranla qaldırılmış avtomobil 32 yaşlı maşın ustası Seymur Qurbanovun başına düşmüşdü. Xəstəxanaya yerləşdirilən usta həkimlərin səyinə baxmayaraq, vəfat edib.