Bayram günü baş verən yol qəzalarında - 5 ölü, 9 yaralı

28 May-Respublika günündə Azərbaycanın yollarında baş verən qəzalarda 5 nəfər ölüb. Avtosfer.az DİN saytına istinadən məlumat verir ki, ötən gün ölkədə 8 yol-nəqliyyat hadisəsi qeydə alınıb. Bu qəzalarda 9 nəfər xəsarət alıb. Bundan başqa, daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 5 fakt müəyyən edilib. Cinayət törətməkdə şübhəli bilinən 16 nəfər tutulub.