Bayraq Meydanının qarşısında ağır qəza - VİDEO + YENİLƏNİB

Daxili İşlər Nazirliyi Bakıda baş vermiş qəza ilə bağlı məlumat yayıb. Avtosfer.az DİN-in saytına istinadən xəbər verir ki, hadisə mayın 22-də saat 18 radələrində Səbail rayonunun Bayıl qəsəbəsində baş verib. Belə ki, Bakı şəhər sakinləri Fərhad Ocaqnavinin idarə etdiyi “Ford” və Emil Məhərrəmovun idarə etdiyi “Mazda CX-9” markalı avtomobillər toqquşublar. Nəticədə E.Məhərrəmovun sərnişinlərindən Mikayıl Makraqus xəstəxanaya aparılarkən yolda ölmüş, özü və digər sərnişini, habelə F.Ocaqnavi və 1 sərnişini xəstəxanaya yerləşdirilib.

22.05.2016

Mayın 22-də axşam saatlarında Bakıda ağır yol nəqliyyat hadisəsi baş verib. Avtosfer.az oxu.az-a istinadən xəbər verir ki, yol qəzası Neftçilər prospektində, Dövlət Bayrağı Meydanının yaxınlığında qeydə alınıb. Məlumata əsasən, qəza zamanı “Mazda” və “Ford” markalı avtomobillər toqquşub. Hadisə şahidləri bildiriblər ki, qəza nəticəsində bir neçə nəfər xəsarət alıb. Faktla bağlı araşdırma aparılır.