Bərdə-Tərtər yolunda ağır qəza - VİDEO

Bərdədə yol qəzasında xəsarət alan 4 nəfərin (kişi) durumu açıqlanıb.

Avtosfer.az xəbər verir ki, Bərdə Rayon Mərkəzi Xəstəxanasına çatdırılan yaralılara zəruri tibbi xidmətlər göstərilib. Hazırda müalicələri müvafiq şöbələrdə davam etdirilən şəxslərdən 3-nün vəziyyəti sabit, 1-nin vəziyyəti isə ağır qiymətləndirilir. Qeyd edək ki, Bərdə-Tərtər yolunda "KİA" və "Mercedes" markalı minik avtomobilləri toqquşub. Nəticədə zərbənin təsirindən hər iki avtomobil yoldan çıxaraq kənardakı ağacları və elektrik xəttini qırıb.

***

Bərdə-Tərtər yolunda ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə zamanı "Mercedes" və KIA markalı avtomobillər toqquşub.

Qəza zamanı dörd nəfərin xəsarət aldığı deyilir.

Hadisənin səbəbləri araşdırılır.

Qəza nəticəsində hər iki avtomobil yararsız vəziyyətə düşüb.