Bərdədə ata qəza törətdi, oğlu öldü - VİDEO

Bərdə rayonunun Lək kəndində ölümlə nəticələnən yol qəzası baş verib. Avtosfer.az "Report"a istinadən xəbər verir ki, hadisə 56 yaşlı Bərdə rayon sakini Süleymanov Hüseyn Zülfüqar oğlunun idarə etdiyi "Qazel" markalı yük avtomobilin yol kənarında duran "Shacman" markalı yük maşınına arxadan çırpılması nəticəsində qeydə alınıb. Qəza zamanı sürücü ağır bədən xəsarətləri alıb, onun yanında əyləşən 26 yaşlı oğlu, Bərdə rayon sakini Süleymanov Yasin Hüseyn oğlu isə hadisə yerində dünyasını dəyişib. H.Süleymanov ətrafdakıların köməkliyi ilə Bərdə Rayon Mərkəzi Xəstəxanasına çatdırılıb. Müxtəlif bədən xəsarətləri almış yaralının vəziyəti orta-ağırdır. Faktla bağlı rayon Pols şöbəsində araşdırma aparılır.