Bərdədə mikroavtobusla yük maşını toqquşdu: xəsarət alan var - FOTO

Bərdə rayonunda yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə rayonun Qaradəmirçi kəndində qeydə alınıb. Belə ki, Bərdə rayon sakini, 23 yaşlı Xəyal Fəxrəddin oğlu Quluyevə məxsus "Mercedes" markalı mikroavtobusla Firdovsi Verdiyevin idarə etdiyi "Shacman" markalı yük maşını toqquşub. Nəticədə mikroavtobusun sürücüsü müxtəlif dərəcəli bədən xəsarətləri alıb. Şahidlərin sözlərinə görə, yük avtomobili yol kənarında dayanan mikroavtobusu arxadan vurub. Qəza zamanı mikroavtobusda sərnişinlər olmayıb. Faktla bağlı araşdırmalar aparılır.